ومعلش كان فى شوبة اسألة محتاج اعرف اجابتها
ايه افضل طريقة اغسل بيها العربية ؟
في الاول كدا خليها ماء بس علشان ماتجيرش
حاسس ان العفشة ناشفة شوية .. ايه علاجها ؟
هي العربيه كدا وملهاش علاج غير لو هتكلفك
سمعت ان الكاوتش ساعات بيعمل بالونات .. دا ايه اسبابه ؟
البالونات دي من النقر والمطبات غالبا لو اخدتها بسرعه او كانت جامده
لو حبيت اغير الكاوتش لمقاس كبير شوية دا يتكلف كام و هل لييه اضرار عالعربية ولا لا و فوايده ايه ؟
ممكن تغيره لاكبر بس في حسابات فوايده بيساعد على ثبات العربيه ولو زاد عن الطبيعي ممكن يدمرلك العفشه والتكلفه على حسب النوع
الكاسيت كويس بس مش ممتاز بالذات لما اعلى الصوت .. هل دا عيب سماعات ولا عيب ايه بالظبط
مع العلم انى شغلت اغانى من سى دى اصلى او من فلاشة عليها اغانى جودتها عالية جدا
لو حبيت اغير السماعات دى ممكن تتغير ولا لا
موش لازم عيب سماعات ممكن الكاسيت ممكن تغير السماعات بس اتاكد من خرج الكاسيت الاول انه عالي
وهل اى اضافات او تعيلات و تغييرات فى العربية لازم تبقى فى التوكيل ولا لو عملت حاجة برا ممكن الضمان ينتهى ؟
في شغل لو عملته بره التوكيل يخرجك من الضمان وفي حاجات لا ممكن بس غالبا بتبقى الكهرباء والميكانيكا لا مينفعش بره التوكيل
لو حبيت اعمل ملصقات اشكال او زينون و كده على العربية او فاميه مثلا دى لازم بتصريح ولا عليها مخالفة ولا اعملها قبل ما اروح ارخص العربية ولا ايه بالظبط ؟
مينفعش لاقبل ولا بعد الترخيص ممنوع
لما اجى انقل من الاول للتانى مثلا لازم استنى الاى بى ام لما يوصل للاخر خالص ولا لحد 3 مثلا ؟
او بصيغة تانية انقل من الاول للتانى عند سرعة كام و من التانى للتالت عند سرعة كام و من التالت للرابع عند سرعة كام و من الرابع للخامس عند سرعة كام ؟
مينفعش لغاية الاخر خطر هو لغاية 3 تمام اوي بص اي نقله انقل بين 2.5 ل3.5 اربي ام
بالنسبة للزيت .. فى التوكيل قالى ماتلعبش ف حاجة غير عند اول صيانة 1000 كيلو هما هيكشفو على كل حاجة
معقول ما ابصش على الماية او الزيت
سيبها لغايه الصيانه
و المفروض كل اد ايه ابص عالزيت .. ويعنى ايه ابص عليه اصلا :
يعنى ارفع السيخ دا و ابص عليه اشوف فيه ايه بالظبط وامتى اغير فيه حاجة وفين
ايه حكايته يعنى البتاع دا
الزيت لو قل او كدا هتلاقي لمبة الزيت نورة فمتقلقش ولو هتبص عليه هتلاقي علامتين الاولى يعني فاضي والي فوق يعني فل والنورمل يكون بين الاثنين
معلش اصلى جاهل ميكانيكا :$
ومفيش غيركم ممكن يفيدنى و ينصحنى يا شباب
ياباشا ربنا يباركلك فيها
